Liebs pflegmami … i schicka dier no echli wiehnachtsposcht.
Jetz bini denn scho bald es johr bi da esther und am peter…mer sind richtig zämegwachsa. Natürli simmer nid immer glicher meinig …aber da ghört o drzue.
Mier händ im lade esooo viel arbet sit die zweit coronawelle do isch…i tue fliessig d lüüt begrüessa a de igangstüre …da machi gern und denn händ d lüüt scho s erscht mol a lacha ufem gsicht! Eso hät denn praktisch niemert schlechti luuna bi üs. De Anuj , min bescht fründ vo nebedra, chunnt mi ab und zue go abhola im lada…denn flippi amel schier us a de türe zue…gumpa ufa abe und hin und her…mue winsele und rüef da esther…chum schnell! Mier müend go schpiila ….und denn saused mier amel dure i sin garta und mier flitzed wie di wilda!
Da isch so öppe min arbeitstag. Dihai gnüss is o, em liebschta wenn da peter o do isch.
I ha em peter und da esther ghulfa da chrischtbaum schmĂĽcka und bi mega brav drbi gsi.
Denn isch no d isebahn ko, da isch arbet für männer ….aber i trau dera sach nonig so ganz…i halt mol no lieber abstand.
Und wenn denn de opa und da onkel chrigi ono ume sind, bini wunschlos glücklich. Schtell dier vor…i ha gester vom opa und em chrigi es eigeds wiehnachtspäckli übercho… i has ganz allei ufgmacht… aktevernichtig gfallt mer immer no sehr guet und do hani jo afang üebig. Wart i schick dir den grad’s filmli ….
E flauscheligs hundedeckeli mit luuter Nelobildli drufdruckt. I ha denn grad nocher betted und druf gschlofa. Eso viel gschenkspapier a eim obed macht eba mĂĽed.
Jo das wärs denn öppe wieder…schö händ eso viel hünd a neus dihai gfunde i dem johr…do häsch du jo wahnsinnig viel arbet ka! Dank eu gits jetzt so viel glücklichi hünd und menscha 
.
.Hebs guet und en riesa schmatz- schleck vo mier, Nelo .